höt hani dänkt, es werd en voll easy tag!!
do hani mi voll tosche!
am morge, beni ganz elleige em uufenthaltsruum gsih nd han 26 betagti müesse met kaffii nd brot versorge!
de beni emmr nor gsecklet!!
nachem zmorge hani müesse d lüüt uf s wc tue...emmr hani wedr müesse useluuege, dass niemer abhaut!
am halbii 10i hani pause bes am 4tel vot 10ii gha!!:)))
nochär hani müesse s zmettagässe parat mache nd emmr abruume, teeverteile...nd...nd...nd!!
denn hets zmettag gäh!
do hani pause gha bes am halbi 1!
noch dere pause esches ersch rechtig loos gange!!!
i han alles abgruumet nd denn esch eini emmr wedr uufgstande nd het mi ahgmozet, well sie ned wedr het welle absetze...
nochäne hani müesse d kaffiimaschene potze nd fluuete...
plötzlech esch en pflegeri cho nd het gseit: d Frau******esch wäg!!
nd iich:wiie wäg?
jo abghaue halt...mer händ es telefon öbercho, dass sie en unterkolm esch...(s alterszentrum esch en oberkolm)...
es esch aschchaut gsi nd sie het nor es dönns streckjäggli ahgha!!
denne send mer sie go abhole nd sie het emmr vor sech hegfluuechet, mer seige arschlöcher nd soH...
denne hani d tesch düecher gwächslet nd de bode gsuuget...!
dennet esch d frau ***** emmr met erem rollator omegloffe nd het emmr gseit sie wett eze uuse...
de beni mol vor sie änegstande nd han gseit, es seigi vell z chalt verosse sie chönni eze ned uuse!!
de seit sie: sie giengi eze uuse nd i sell ere usem wäg goh...i sell sie en rueh loh sosch haui sieH mer s wägeli ome grend!!!
de hani ere no mol erkläärt, dass es vell z chalt seigi verosse!!!
de het sie met em arm uusgholt nd het mer en ohrfiege welle geh...han grad no em rächte momänt chönne uuswieche!!!
de esch zom glöck grad no en anderi pflegeriinn choh nd het sie welle beruhiige!!
ejejejejejejejj!!
höt rechtige psycho tag gsie!!

hoffentlech send d lüüt morn ned soH ahsträngend!!!

joa...!!
schöne obe noH!!
mlg carmen